某日飛台北,上齊客之後機頭就話因為空管所以要推遲一個鐘先可以出發...
然後一位台灣中年女士就叮我出去
女人「你們為什麼又delay啦?我這半年坐你們,差不多每次都delay!!!」
豆腐「小姐,我明白我們航班延誤為你帶來不便,我也真的很抱歉」
女人「我覺得很過份,你叫你們機長來跟我解釋一下」
豆腐「小姐,其實機長廣播說我們Delay是因為台北空管,還有機長在忙不能出來」
女人「我不管,我要一個解釋!!!!!」 (旁邊嘅人都望住佢)
豆腐「小姐,我已經解釋給你聽了,是因為台北機場關了一條跑道,是因為台北機場流量不足,我們對於這個情況都很遺憾,如果小姐因此而不開心的話,我代表台北桃園機場方面跟你Say SORRY吧,但我們這邊真的沒有任何辦法去改變這個困局」
女人「我是台灣人,我住台北,你知道嗎?」
豆腐「你告訴我,我現在就知道,那小姐你台灣人知道台北機場有工程嗎?」
女人「...我知道」 (細聲)
豆腐「那我給你一份意見表,讓我們公司知道小姐你對台北機場空管問題不滿,好不好?」
女人「不用了,謝謝」
豆腐「小姐,你太客氣了」
返到Galley,台灣呀姐話台灣有好多「奧客」,但一嘈起上黎就不得之了...所以佢決定留喺Galley唔出去迎戰~~~~ 老實講真係有好多台灣人都好好,只係有一部份「台灣鯛」搞事 😅
其實自從台北機場封左一條跑道維修都一定預左Delay,不過今年封另一條跑道就更大問題,基本上飛台北一粒半鐘,隨時要會hold上一粒鐘,就算喺香港準時出發都好,去到台北上空都仲要排隊兜圈降落;好啦台北上齊客都可能要Hold一粒鐘先可以推出去,推左出去行到去跑道起身又要多大半個鐘...其實我地又點會唔明白客人有乜感受喎,大家試諗下你地喺等起飛一粒鐘可以訓覺,咁我地對住你地坐,等起飛就算幾眼訓幾攰,其實我地都想釣魚架 😴😴😴😴😴😴
Search